အပိုင်း(၃)
“ဟုတ်တယ်။ သူ့ကို ဝံပုလွေစားသွားတယ်လို့ အဖေ့ကို ငါတို့ ပြောလိုက်ကြမယ်။”
တစ်ချို့ကပြောတယ် . .“ပြောတာတော့ ဟုတ်ပါပြီ။ ဘယ်မှာလဲ သက်သေ။”
“သက်သေက ဒီသွေးပဲပေါ့” လို့ ညီအစ်ကိုတစ်ချို့က လှမ်းပြောလိုက်တယ်။
ညီအစ်ကိုတွေဟာ သိုးတစ်ကောင်ကို လည်လှီးလိုက်ကြတယ်။ ပြီးတော့ ယူစွဖ်လေးရဲ့ အင်္ကျီကို ယူပြီးသွေးတွေ သုတ်လိမ်းလိုက်ကြတယ်။ အားလုံးလည်း ပြီးရော ညီအစ်ကိုတွေက ဝမ်းသားသွားအားရနဲ့
“ကဲ . . အခုတော့ ငါတို့အဖေ ယုံလောက်ပြီဟေ့”
(င) ယအ်ကူဗ်(အလိုင်းဟိစ္စလာမ်)ရဲ့ အရှေ့ဝယ်
============================
(ထိုညီအစ်ကိုတွေဟာ သူတို့ရဲ့ ဖခင်ဆီကို မှောင်စပျိုးတဲ့အချိန်မှာ ငိုကြွေးပြီး ပြန်လာခဲ့ကြတယ်။(ပြီးတော့) အိုအဖေ . . ကျွန်တော်တို့ဟာ ယူစွဖ်ကို ကျွန်တော်တို့ရဲ့ ပစ္စည်းတွေနားမှာ ထားပြီး အပြေးပြိုင်ဖို့ သွားခဲ့ကြတယ်။ ဝံပုလွေဟာ ယူစွဖ်ကို ကိုက်စားပစ်လိုက်တယ်။) ကုရ်အာန် (၁၂း ၁၆ ၊ ၁၇)
(ဒါ့ပြင် သူတို့ဟာ ယူစွဖ်ရဲ့ အင်္ကျီပေါ်မှာ မဟုတ်မမှန်တဲ့ သွေးတွေ (သုတ်လိမ်း)ပြီး ယူလာခဲ့ကြတယ်။) (ကုရ်အာန်- ၁၂း၁၈)
သူတို့ရဲ့ဖခင် ယအ်ကူဗ်(အလိုင်းဟိစ္စလာမ်)ဟာ နဗီတစ်ပါးဖြစ်တယ်။ သူရဲ့သားတွေထက်ပိုပြီး အသိပညာရှိတဲ့ အဖိုးအို တစ်ဦးလည်းဖြစ်တယ်။ ဝံပုလွေဟာ လူတစ်ယောက်ကို စားမယ်ဆိုရင် အဲဒီလူကို ကုတ်ဖဲ့ဆုတ်ဖြဲပြီးမှ စားတတ် တယ်ဆိုတာကို ယအ်ကူဗ်(အလိုင်းဟိစ္စလာမ်)က ကောင်းကောင်း သိနေခဲ့တယ်။ ယူစွဖ်လေးရဲ့ အင်္ကျီကတော့ သွေးတွေ စွန်းနေပေမယ့် အကောင်းအတိုင်းပဲ ရှိနေတယ်။
အဲဒါနဲ့ ယအ်ကူဗ်(အလိုင်းဟိစ္စလာမ်)က ဒီသွေးတွေဟာ အတုတွေ၊ သူတို့ပြောတဲ့ ဖြစ်ရပ်ဟာ လုပ်ကြံထားတဲ့ ဖြစ်ရပ်ဆိုတာ ကောင်းကောင်းသိသွားခဲ့တယ်။
“တကယ်တော့ ဒီဖြစ်ရပ်ဟာ မင်းတို့ လုပ်ကြံထားတာပါ”
(ဒါကြောင့် (ငါ့အတွက်) သည်းခံမျိုသိပ်ခြင်းသာ ကောင်းမြတ်ပါပေတယ်) (ကုရ်အာန်- ၁၂း၁၈)
ယအ်ကူဗ်(အလိုင်းဟိစ္စလာမ်)ဟာ ယူစွဖ်လေးအတွက် ယူကျုံးမရဖြစ်ပြီး အရမ်းကို ပူဆွေးသောကရောက်ခဲ့တယ်။ ဒါပေမယ့်သူဟာ သည်းခံမျိုသိပ်ခဲ့တယ်။
(စ) ရေတွင်းထဲက ယူစွဖ်လေး
==================
ညီအစ်ကိုတွေဟာ ယူစွဖ်လေးကို ရေတွင်းထဲမှာ ပစ်ပြီး သူတို့ကတော့ အိမ်ကို ပြန်သွားခဲ့ပြီ။သူတို့တွေကတော့ အစားအသောက်တွေစားပြီး အိပ်ရာတွေပေါ်မှာ အိပ်နေကြတယ်။
ယူစွဖ်လေး ခမျာမှာတော့ ရေတွင်းထဲမှာ။ အစားအသောက်မရှိ။ အိပ်ရာခင်းမရှိ။
ညီအစ်ကိုတွေဟာ ယူစွဖ်လေးကို မေ့လိုက်ပြီး အိပ်ပျော်သွားခဲ့ကြပြီ။ ယူစွဖ်လေးကတော့ အိပ်လည်းမပျော်နိုင်၊ ဘယ်သူ့ကိုမှ မမေ့နိုင်ဘူး။
သူ့ဖခင် ယအ်ကူဗ်(အလိုင်းဟိစ္စလာမ်)က ယူစွဖ်ကို တမ်းတနေပြီး ယူစွဖ်လေးကလည်း သူ့အဖေ ယအ်ကူဗ်(အလိုင်းဟိစ္စလာမ်) ကိုသာ သတိရနေခဲ့တယ်။
ယူစွဖ်လေးဟာ တောထဲက အရမ်းကို နက်တဲ့ ရေတွင်းပျက်ထဲမှာပဲ ရှိနေတယ်။ တောဟာလည်း တောရိုင်းဖြစ်ပြီး ညဖက်လည်း ဖြစ်နေတော့ အရမ်းအရမ်းကို မှောင်မည်းနေခဲ့တာပေါ့။
ကဲ…… ချစ်ပရိတ်သတ်ကြီးရေ……
တမန်တော်ယူစွဖ်(အလိုင်ဟိစ္စလာမ်)ရေတွင်းထဲမှာ ဘာတွေ ဆက်ဖြစ်မလဲ။
ဘယ်ကို ရောက်သွားမလဲ ဆိုတာကို အပိုင်း(၄)မှာ ဆက်လက် အားပေး ဖတ်ရှုကြပါလို့
ဆန္ဒပြုရင်း ….
မော်လ၀ီအဟ်မဒ်@Ahmad
Copy By သင့်အတွက်အစ္စလာမ့်စာမျက်နှာ
No comments:
Post a Comment